ég á eftir að fara til tanna....
dem...
2008
ár tannlæknisins á kuglerstrasse...

Gleðileg jól elsku vinir og velunnarar.
Nú eru Feneyjar einsog fjarlægur draumur. Ég er búin að vera í sápukúlu. Ég er svosem alltaf í sápukúlu en Feneyjar eru alveg sérstaklega til þess sniðnar að lifa sápukúlu lífi.
Nú er sú sprunginn. Guði sé lof og prís einsog biskupinn seigir. Ekki það að mér hafi liðið illa í Feneyjum, síður en svo en vússh hvað það var gott að koma heim til Berlínar. Taka úr kössum, búa til vinnuspeis, umkringja mig dótinu mínu, hæna köttinn minn að mér aftur og hlusta á ástarflækjur sambýliskonu minnar. Allt er einsog það á að vera með öllum þeim kostum og spennandi göllum sem lífið hefur uppá að bjóða.
Ég skítblönk... búin að skipuleggja mig alveg útí ystu æsar, skipuleggja 2008 svo langt sem það nær. 2008 verður mitt ár. Ár rottunar, ár vinnu og iðjusemi, ég finn það í beinum mínum. Ég eiginlega svaf af mér 2007 lokaði augunum um síðustu jól og er rétt að nudda stýrurnar úr þeim núna.
Merkilegt.
Nú sit ég á íslandi. Jólanótt. Snjór, rok, mandarínur, jólabækur, hangikjöt, laufabrauð, pabbi í lopapeysu, Matthías dásamlegur, mamma í hörkustuði, frænkur mínar búnar að stækka og dafna dásamlega...
Alveg stórmerkilegt ár 2007 sem senn er á enda.
Ég hlakka til 2008.
Ég sé frammá að vera soldið á Íslandi í byrjun árs, svo Kanada smá, Kína og Berlín seinnipart árs. Annað flakk ár.
Ég hef reyndar ekki hugmynd um hvernig ég muni framfleyta mér en það reddast... (best að fara til spákonu til öryggis)
Wouhooo Ég er búin að setja mig í samband við tvær hvítar hryssur í Berlín og ég er gjörsamlega með þær á heilanum. Janúar verður hestamánuður.
Gleðilega hátíð!